7M11303 – Көліктегі логистика (профильдік магистратура)

БББ басшысы

Гармаш Ольга Валерьевна

Лауазымы: Білім беру бағдарламаларының жетекшісі

Дәрежесі: Техникалық ғылымдар кандидаты, АГА доценті

Байланыс ақпараты: +7 777 087 3619, o.garmash@agakaz.kz

БББ төлқұжаты

Білім беру бағдарламасының коды мен атауы: 7M11303 – Көліктегі логистика (профильдік магистратура)
  • Оқу мерзімі: 1 жыл
  • ECTS (кредиттер): 60 / 1800
  • Оқыту тілі: қазақ, орыс, ағылшын
  • Ағылшын тілінің деңгейі: A2

Білім беру бағдарламасының мақсаты мен міндеттері

7M11303 «Көліктегі логистика» профильдік магистратурасының мақсаты – көлік логистикасы саласында заманауи білімге, кәсіби құзыреттерге және практикалық дағдыларға ие, көліктік және логистикалық процестерді басқару, жоспарлау, ұйымдастыру және оңтайландыру міндеттерін тиімді шеше алатын, ұлттық және халықаралық көлік инфрақұрылымының дамуы жағдайында кәсіби қызмет атқара алатын жоғары білікті мамандарды даярлау.
Білім беру бағдарламасы магистранттардың логистикалық және көліктік қызметтің коммерциялық қағидаттарын көлік-логистикалық қызметтерге деген қоғамдық қажеттіліктерді қанағаттандырумен, сондай-ақ көлік саласының тұрақты дамуының экономикалық, әлеуметтік және экологиялық аспектілерімен ұштастыра білу қабілетін қалыптастыруға бағытталған.

Білім беру бағдарламасының міндеттері

  1. Ұлттық және өңірлік деңгейлерде заманауи көлік-логистикалық индустрияны дамыту үшін қажетті тұлғалық қасиеттерді, жалпы мәдени және кәсіби құзыреттерді қалыптастыру.
  2. Заманауи әдістер мен цифрлық технологияларды қолдана отырып, логистикалық жеткізу тізбектерін және көліктік процестерді талдау, жобалау және оңтайландыру қабілетін дамыту.
  3. Қауіпсіздік, экономикалық тиімділік және көлік жүйелерінің тұрақтылығы талаптарын ескере отырып, жүк, жолаушылар және мультимодальды тасымалдарды тиімді басқару дағдыларын қалыптастыру.
  4. Көлік логистикасы саласында басқарушылық шешімдер қабылдау, ресурстарды жоспарлау, тәуекелдерді басқару және логистикалық процестердің тиімділігін бағалау қабілеттерін дамыту.
  5. Көлік, логистика және экспедиторлық компанияларда, сондай-ақ көлікті басқару органдары мен инфрақұрылым объектілерінде кәсіби қызметке дайындықты қалыптастыру.
  6. Бизнестің коммерциялық мүдделерін персоналды дамыту, әлеуметтік жауапкершілік және қазіргі қазақстандық қоғамның құндылықтарымен ұштастыра білу қабілетін дамыту.

Білім беру бағдарламасының ерекшеліктері мен артықшылықтары

  1. ICAO және IATA халықаралық кәсіби сертификаттарын алу мүмкіндігі.
  2. Еңбек нарығының көлік-логистикалық саласындағы қажеттіліктеріне бағытталған тәжірибеге бағдарланған профильдік магистратура.
  3. Мультимодальды және халықаралық тасымалдар жағдайында логистикалық процестерді басқару үшін мамандар даярлау.
  4. Мультимодальды және халықаралық тасымалдар жағдайында логистикалық процестерді басқару үшін мамандар даярлау.

Серіктес жоғары оқу орындары

  1. Б.П. Бугаев атындағы Азаматтық авиацияның Ульяновск институты, Ульяновск қ.;
  2. Әзербайжан ұлттық авиация академиясы, Баку қ.
  3. TSI Көлік және байланыс институты, Рига қ.
     

© 1995 - 2026 Азаматтық Авиация Академиясы