Қазақстан Республикасы Қорғаныс министрінің 2014 жылғы 14 наурыздағы № 107 және Қазақстан Республикасы білім және ғылым министрлігінің 2014 жылғы 25 сәуірдегі № 122 «Қазақстан Республикасының жоғары оқу орындары жанынан жоғары оқу орындары арасындағы әскери кафедраларды құру туралы» бірлескен бұйрығына сәйкес «Қ.И. Сәтбаев атындағы Қазақ ұлттық техникалық зерттеу университеті» ҚҰТЗУ КАҚ әскери кафедрасы жанынан ӘЕМ бойынша арнайы мамандар даярлана бастады.
Қазақстан Республикасы Қорғаныс Министрінің 2018 жылғы 7 тамыздағы № 528 бұйрығына сәйкес «Азаматтық Авиация Академиясы»АҚ базасында әскери кафедра құрылды.

Әскери кафедрада келесі әскери-есептік мамандықтар бойынша оқиды:

Бағдарлама бойынша запастағы офицер

1. "Ұшақтарды, тікұшақтарды және авиациялық қозғалтқыштарды пайдалану және жөндеу";
2. "Әскери-көліктік авиация бөлімшелерінің, бөлімдері мен құрамаларының жауынгерлік қолданылуы";
3. "Майдандық-бомбалаушы авиация бөлімшелерінің, бөлімдері мен құрамаларының жауынгерлік қолданылуы";
4. "Ұшқышсыз ұшу аппараттарының бөлімшелерін, бөлімдерін жауынгерлік қолдану".
5. "Авиациялық техника мен қару-жарақты пайдалану мен жөндеуді ұйымдастыру".
6. "Әуеайлақтық ұшуды қамтамасыз етудің автомобиль бөлімшелерін қолдану".

Бағдарлама бойынша запастағы сержант

1. "Ұшқышсыз ұшу аппараттарының операторы".
2. "Құтқару жұмыстарының маманы".
3. "Автокөліктерді пайдалану".

Әскери кафедраның оқу-материалдық базасы

Қабылдау шарттары
Әскери кафедрада оқу үшін студенттерді іріктеуді Қазақстан Республикасының  Қорғаныс министрі бекіткен қабылдау жоспарына сәйкес конкурс негізінде іріктеу комиссиясы жыл сайын жүргізеді.
Әскери кафедраның құжаттарды қабылдауы іріктеу комиссиясының жұмысы басталғанға дейін 10 жұмыс күні бұрын аяқталады.
Әскери кафедрада оқу үшін студенттерді іріктеу конкурсы төрт кезеңде жүзеге асырылады:
бірінші кезең - Қазақстан Республикасы Қорғаныс министрінің 2015 жылғы 2 шілдедегі № 373 бұйрығымен бекітілген әскери-дәрігерлік сараптама жүргізу қағидаларына және ҚР ҚК әскери-дәрігерлік сараптама органдары туралы ережесі (нормативтік құқықтық актілерді мемлекеттік тіркеу тізілімінде № 11846 болып тіркелген) сәйкес медициналық куәландырудан өту.
Медициналық куәландырудан өту үшін студенттерге әскери кафедрада рәсімделген медициналық куәландыру карталары беріледі (7-нысан). Студенттерді медициналық куәландыру қабылдау жылының 1 ақпанынан бастап жергілікті әскери басқару органдарында жүргізіледі.
Конкурстық іріктеуге қатысу үшін 7-нысан бойынша медициналық куәландыру нәтижелері іріктеу комиссиясының жұмысы басталғанға дейін 10 жұмыс күнінен кешіктірілмей әскери кафедраға ұсынылады.
Медициналық куәландырудан өтпеген студенттер конкурсқа жіберілмейді.
екінші кезең - кәсіби-психологиялық тестілеу өткізу;
үшінші кезең - дене шынықтыруды тексеру;

Жасөспірім студенттер үшін дене шынықтыру нормативтері:

Төртінші кезең - ҚР ҚМ келісімі бойынша ЖОО басшысы жасайтын және бекітетін рейтингтік балдың есебіне сәйкес жүзеге асырылатын конкурстық іріктеу.