«Абай оқулары» атты жыр -сайысы – рухани кемелдену жолы

2024 жылдың қазан айының 30-ы  күні сағат 10.10-да «Авиациялық ағылшын тілі» кафедрасының оқытушыларының ұйымдастырумен («Толық адам» жұмыс тобының мүшелері – Г. Тулекова, А.Елубай, Н. Суранчиева, Ж. Ахметова) қазақтың ұлы ақыны Абай Құнанбайұлының «Толық адам» концепциясын насихаттау мақсатында «Абай оқулары» атты жыр сайысын өткізді. Іс-шара барысында студенттер Абайдың қара сөздерін, өлеңдерін жатқа айтып жарысты.   «Абай оқулары» атты жыр-сайыстың негізгі мақсаты – студенттердің ақын өмірі мен шығармашылығын тануға деген қызығушылықтарын арттыру, ақынның рухани мұрасын, ақын өмірі жайлы мәліметтерді игеруді насихаттау, жаңа буынның интеллектуалдық пайым-парасатын арттыру, дарынды студенттерге қолдау көрсету. Жыр-сайыс соңында топ жарған студенттер Құрмет грамотасымен, белсене ат салысқан студенттер Алғыс хатпен марапатталды.