АЗАМАТТЫҚ АВИАЦИЯ АКАДЕМИЯСЫ БОЛАШАҚ ТАЛАПКЕРЛЕРГЕ ӨЗ ЕСІГІН АШТЫ

Күзгі демалыс кезінде Қазақстандық оқушылар Азаматтық авиация академиясының білім беру бағдарламаларымен және қызметімен танысуға мүмкіндік алды.

Түркістаннан өз арманына жақындау үшін арнайы келген Диас Абдраш есімді «Білім-инновация» лицейінің оқушысы болашақ мамандығын анықтап, алдағы емтихандарға дайындалуда.

Диас Абдраш, Түркістан қаласы «Білім-инновация» лицейінің оқушысы:

«Болашақта ұшқыш болғым келеді, өйткені бұл туралы бала кезден армандадым және осы мамандыққа қатты қызығамын. Бүгін академияға экскурсияға келіп, тренажерде ұмытылмас сезімдерге бөлендім. Тренажер өте шынайы әсер қалдырады».

Академияға Атырау қаласы ABYROI SCHOOL оқушылары да келді. Олар қабылдау комиссиясының өкілдерімен сөйлесіп, өздерін қызықтырған сұрақтарға жауап алды.

Әділет Мәлік, Атырау қаласы ABYROI SCHOOL оқушысы:

«Сұрақтар қойып, академиямен таныстық. Бала кезден ұшқыш болуды армандаймын, сондықтан академияға оқуға түскім келеді».

Академияның жыл бойы жас қонақтарды қабылдап, оларды материалдық-техникалық базамен таныстыру, сондай-ақ болашақ мамандық таңдауда бағыт беру жоспарында бар. Авиация саласында әр мамандықтың маңыздылығын жастарға түсіндіру де маңызды. Білім беру бағдарламалары туралы толығырақ әлеуметтік желілердегі highlihts-та біле аласыздар – «Талапкер».