Азаматтық авиация академиясының ректоры Бекен Сейдахметов, сонымен қатар академия бизнес мектебінің директоры Айман Тілеубаева мен ғылыми-зерттеу және құзыреттер орталығының жетекшісі Якуб Құрбанов құрамында болған делегация Малайзия астанасында University of Kuala Lumpur (UniKL) университетімен келіссөздер өткізді

Азаматтық авиация академиясының ректоры Бекен Сейдахметов, сонымен қатар академия бизнес мектебінің директоры Айман Тілеубаева мен ғылыми-зерттеу және құзыреттер орталығының жетекшісі Якуб Құрбанов құрамында болған делегация Малайзия астанасында University of Kuala Lumpur (UniKL) университетімен келіссөздер өткізді. Кездесу академиялық ұтқырлық, авиациялық менеджмент және В1 санатындағы инженерлік персоналды даярлау саласындағы ынтымақтастық мәселелеріне арналды.

Тараптар бірлескен білім беру бағдарламаларын әзірлеу, студенттер мен оқытушылар алмасу, сондай-ақ ғылыми-зерттеу жобаларына қатысу сияқты ынтымақтастық бағыттарын талқылады.

Анықтама: \

University of Kuala Lumpur (UniKL) — Малайзияның жетекші техникалық университеті, 2002 жылы құрылған. UniKL техникалық және инженерлік білім беруге маманданған және авиациялық менеджмент пен инженерлік персоналды даярлауды қоса алғанда, түрлі салаларда тәжірибеге бағытталған бағдарламаларды ұсынады. Университеттің 12 кампустағы 14 институты бар және 30 500-ден астам студент білім алады.