Құтқарушыларды дайындау: ААА мен ТЖД ынтымақтастық туралы келісімге қол қойды

Азаматтық авиация академиясы мен Алматы қаласы Төтенше жағдайлар департаменті өзара ынтымақтастық туралы меморандумға қол қойды.

Мақсаты қандай?

тәжірибе және практикалық біліммен алмасу,

студенттер мен оқытушыларды азаматтық қорғаныс, өрт қауіпсіздігі және төтенше жағдайлар кезіндегі әрекеттерді оқытуға тарту,

ТЖД нысандарында практикалық сабақтар өткізу,

алғашқы медициналық көмек көрсету, құтқару және өрт сөндіру машықтарын игеру.

Қазіргі таңда Академияда «Құтқару жұмыстары» мамандығы бойынша студенттер әскери кафедрада білім алуда. Енді олар алған білімдерін тәжірибеде қолдануға мүмкіндік алып, оқу соңында ресми сертификат берілетін курстардан өтеді.