ЖАСАНДЫ ИНТЕЛЛЕКТ ЖӘНЕ «ТОЛЫҚ АДАМ»: ТЕХНОЛОГИЯ МЕН РУХАНИЯТТЫҢ ҮЙЛЕСІМІ ПРЕЗИДЕНТ ЖОЛДАУЫНДА
Азаматтық Авиация Академиясында белгілі экономист, ғалым және қоғам қайраткері Оразалы Сәбденмен кездесу өтті. Кездесу барысында Қазақстан Республикасының Президенті Қасым-Жомарт Тоқаевтың халыққа жолдауы талқыланды.
Президент өз Жолдауында Қазақстан алдағы үш жыл ішінде толық цифрлық мемлекетке айналуы тиіс екенін ерекше атап өтті. Жасанды интеллект экономика мен ауыл шаруашылығынан бастап медицина мен авиацияға дейінгі барлық салаларға енгізілуі қажет. Бұл тек тренд емес, еліміздің даму стратегиясының басты бағыты.
Дегенмен, Оразалы Сәбденнің айтуынша, жасанды интеллект — бұл тек құрал ғана, барлық мәселелердің әмбебап шешімі емес. Ең бастысы — оны қалай және қандай мақсатта қолданатынымыз. Егер жауапсыздықпен қарасақ, технология зиян келтіруі мүмкін. Сондықтан ЖИ енгізуде адам қауіпсіздігі мен мүддесі бірінші орында болуы тиіс.
Кездесуде рухани дамуға да ерекше көңіл бөлінді. Қайрат пен моральдық негізсіз кез келген технологиялық жетістік маңызын жояды. Ұлы Абай «Толық адам» ілімінде үш нәрсенің — ақыл, жүрек пен қайраттың үйлесімін ерекше атап көрсетті. Міне, осы үштік — әділ әрі тұрақты қоғамның формуласы.
Ақыл – ғылым, білім және технология.
Жүрек – руханият, адамгершілік пен құндылықтар.
Қайрат – қоғамға қызмет ету және елді дамыту.
Авиация саласы — жасанды интеллект белсенді қолданылып жатқан салалардың бірі. Қазіргі заманғы ұшақтар интеллектуалды жүйелермен, автопилоттармен, ұшу бағытын және техникалық ақауларды алдын ала болжаумен жабдықталған. Дрондар да қиын жағдайларда шешім қабылдай алады. ЖИ ұшу қауіпсіздігін арттыруға, жолаушылар ағынын басқаруға және әуежайларды киберқауіпсіздікпен қамтамасыз етуге көмектесуде.
Бүгінгі күні жасанды интеллектті енгізу — болашақтың емес, бүгіннің талабы. Бірақ технологиялық даму рухани дамуымен қатар жүруі тиіс. Тек осылайша ғана біз жаңа ұрпақты цифрлық сауаттылықпен қатар, терең адамгершілікпен тәрбиелей аламыз.
Бұл мақсатқа жету үшін:
– жасанды интеллектті енгізудің ұлттық жол картасын әзірлеу;
– мектептер мен жоғары оқу орындарында цифрлық біліммен бірге рухани тәрбиені енгізу;
– ғылым мен руханиятты біріктіретін бағдарламалар жасау;
– Абайдың «Толық адам» ілімін ұлттық идеологияның бөлігі ретінде дамыту қажет.
XXI ғасыр — тек цифрлы дәуір ғана емес, технология мен руханияттың бірлесе дамитын кезеңі. Осылай ғана Қазақстан әділ, дамыған және саналы қоғам құра алады.