АЛМАТЫДА ICAO ТІЛДІК ТАЛАПТАРЫН ЕНГІЗУ ЖӨНІНДЕГІ ЖҰМЫС ТОБЫНЫҢ 47-ОТЫРЫСЫ ӨТУДЕ

2025 жылғы 8–10 қазан аралығында Алматы қаласында Халықаралық азаматтық авиация ұйымының (ICAO) тілдік талаптарын енгізу (LPRI) жөніндегі Жұмыс тобының 47-отырысы өтуде.

Азаматтық Авиация Академиясы – Қазақстан Республикасының авиациялық мамандарын ICAO халықаралық стандарттарына сәйкес даярлайтын негізгі оқу орындарының бірі. Академияның осындай іс-шараларға қатысуы авиациялық ағылшын тілі бойынша оқыту және тілдік құзыреттілікті бағалау жүйесін дамыту мен жетілдіру бағытындағы белсенді ұстанымын көрсетеді.

Отырыстың басты тақырыбы – авиациялық ағылшын тілі стандарттарын енгізу бойынша жаңа EUR Doc 046 нұсқаулығын талқылау.

Іс-шара жұмысына ICAO, IATA, EASA, EUROCONTROL өкілдерімен қатар, Еуропа мен Азияның 15 елінен келген авиациялық билік өкілдері қатысуда.

Қазақстан Республикасын бұл отырыста Қазақстанның авиациялық әкімшілігі, Азаматтық Авиация Академиясы, «Қазаэронавигация» кәсіби даярлау орталығы, сондай-ақ Swan Aviation және Aviator.kz оқу және тестілеу орталықтары таныстырады.

Азаматтық Авиация Академиясынан «Авиациялық ағылшын тілі» кафедрасының оқытушылары — Анаятова Р.К., Джанпейсова Ж.М., Жүнусова Д.А. және Уженцев С.Ю. қатысуда.

Академияның ICAO Жұмыс тобының отырысына қатысуы халықаралық ынтымақтастықты нығайтуға, озық тәжірибемен алмасуға және авиациялық ағылшын тілі саласындағы оқытушылар мен емтихан алушылардың кәсіби құзыреттілігін арттыруға ықпал етеді.