Азаматтық авиация академиясында еңбек нарығында өткір тапшылық көріп отырған тікұшақ ұшқыштарын даярлау мәселелері талқыланды.

Қазіргі уақытта академияның тікұшақ ұшқыштарына ұшу тәжірибесін өткізуге арналған жеке ұшағы жоқ, соның салдарынан студенттер Алматыдан 800 шақырым жерде «Балапан» авиациялық оқу-жаттығу кешені базасында ұшу тәжирбелерін өтуге мәжбүр. Қарағандының ауа-райысы дер кезінде дайындалуға кедергі жасайды, сондықтан оқу мерзімі айтарлықтай ұзарады. Көптеген студенттер бұған шыдай алмай оқуын тастады. Соңғы 7 жылда салаға жыл сайын екі есе көп маман қажет болатын кафедраны небәрі 52 тікұшақ ұшқышы бітірді.

«Біз академия түлектерімен 5 жылға дейінгі мерзімге келісім-шартқа отыруға да дайынбыз. Сондай-ақ ұшу және техникалық экипаждардың жалақысын көбейтеміз», - деп атап өтті «Қазавиапас» АҚ бас директоры.

Дәулет Мәмеков академияда мамандандырылған авиация кадрларын даярлаудың оң динамикасын да атап өтті.

«Соңғы жылы түлектердің жұмысқа орналасу көрсеткіші 87 пайызды құраса, оқу үлгерімі 85 пайызды құрап отыр. Бүгінгі таңда академия Қазақстандағы 104 ЖОО арасында 13-орында, ал техникалық жоғары оқу орындары арасында 5-орында. Болашақта Америка биоаналитиктер қауымдастығының аккредитациясын алғымыз келеді», – бөлісті академия ректоры Бекен Сейдахметов.

Ал пайда болған резонанстың шешімі анық. Академия тікұшақтарды сатып алуға мәжбүр, бірақ бұл үшін сала үкіметтің инвестициясын ақтау үшін кадр тапшылығының нақты санын есептеуі керек. Осыған байланысты екі тарап 5 жылдық ынтымақтастық туралы келісімге келді.

Өз кезегінде "Бурундайавиа" әуе компаниясының президенті білікті инженерлік кадрлардың тапшылығы туралы сөз қозғады.

Мамандандырылған кафедрасының меңгерушісі Part-66 модульдері оқу бағдарламасына қазірдің өзінде енгізілгеніне сендірді. Ал келесі оқу жылында сәйкес мамандықтар біріктіріледі деп күтілуде - Авионикалық жүйелерді техникалық пайдалану және Жердегі электрондық жабдықтарға техникалық қызмет көрсету. Ұшақтар мен тікұшақтардың инженерлерін дайындау жолы екіге бөлінді.